संविधानसभाको अध्यक्ष पदका लागि नेकपा माओवादी सहित ठूला राजनीतिक दलहरूबीच सहमति हुन नसकेपनि तीन दलीय उम्मेदवारका रूपमा प्रस्तुत गरिएका एमालेका नेता सुवासचन्द्र नेम्वाङ आखिरमा निर्विरोध निर्वाचित भएका छन्।

राष्ट्रपतिको निर्वाचन र संविधानसभा अध्यक्षको चयन लगत्तै नेकपा माओवादी लगायतका प्रमुख राजनीतिक दलहरुले नयाँ सरकार गठनका लागि छलफल शुरु गरेपनि सरकारको नेतृत्व वा स्वरुपका सम्बन्धमा कुनै सहमति बन्न सकेको छैन।